دورة تعلم الجافا من الصفر (الاساسيات حتى الاحتراف) - الجزء الثالث

1.9 CREATING, COMPILING, AND EXECUTING A JAVA PROGRAM 

طيب احنا دلوقتي عملنا البرنامج وعايزين نشغله بقي بس قبل مانشغله لازم نعمله 

compile الاول وبعدين ممكن نشغله مع العلم انه لو فيه اي غلط في الكود الcompiler 

هيطلع error ومش هتقدر تشغل البرنامج لازم تراجع الكود وبعدين تبقي تعمله 

compile تاني ولازم تتأكد ان برنامجك سليم من ناحية القواعد.



طيب هكتب البرنامج فين؟



في اي text editor زي ال notepad وممكن تستخدم اي برنامج من اللي سبق ذكرهم 

زي jbuilder او netbeans .



ملحوظة: من الأفضل ليك كمبتديء انك تبتدي من كتابة البرامج علي النوت باد وبعدين 

لما توصل لمستوي كويس تقدر تستخدم اي IDE .



ماشي



دلوقتي كتبنا البرنامج نعمله SaveAs ولازم يتسيف بإمتداد.java ويكون اسم الملف 

مطابق تماما لإسم الكلاس يعني البرنامج اللي عملناه لما نيجي نسيفه هنسيفه بإسم 

Welcome.java



طيب عملناه علشان اشغله



عندنا امرين مهمين جدا جدا جدا 



الاول javac : وده بيعمل compile للبرنامج وبيتكتب علي المحث في ال command 

prompt زي كده:



Javac Welcome.java



خطوات التشغيل:



علشان تقدر تشغل الأمر ده صح وميطلعش اي ايررور الأول هننزل نسخة ال JDK 

علي الجهاز من موقع SUN وممكن ننزل احدث نسخة من 

هنا http://rapidshare.com/files/19832245...ows-i586-p.exe


ودي صفحة التحميل من موقع sun وفيها كل نسخ الجافا ولينكاته سريعة جدا


http://java.sun.com/javase/downloads/index.jsp


ونعملها install علي جهازنا. وبعد كده بعرف حاجة اسمها class path ودي باجيبها 

عن طريق:



بعمل كليك يمين علي my computer وبعدين properties وبعدين advanced ومنها 

هلاقي تحت environment variables وبعرف متغير جديد وبحط فيه مسار نسخة 

الـJDK لحد فولدر الـbin



ولازم المسار يتكتب لحد مكان فولدر الـbin وبكده ابقي عرفت الجهاز الأمر اللي يعمل 

بيه compile او run لأي برنامج جافا في اي مكان علي الجهاز.



اروح بقي دلوقتي علي الـ command prompt واكتب امر javac المفروض تكون 

النتيجة كده:

هذه الصورة تم تصغيرها . إضغط على هذا الشريط لرؤية الصورة بحجمها الطبيعي 

. أبعاد الصورة الأصلية 664x334 .


و ماتعرفش علي الأمر يبقي نعدل في ال path ونكتبه صح ولو انت متأكد انه صح 

ممكن نعمل ريستارت للجهاز ونجرب تاني.



دلوقتي الـ command prompt عندي واقف علي مسار وهو مثلا C:\java علشان 

المحث يقدر يشوف البرنامج ويقراه يبقي احط الملف اللي كتبت فيه الكود في الفولدر اللي 

المحث واقف عليه او اغير انا المسار بتاع المحث من امر cd.. زي كده:

طيب خلاص اكتب بقي الأمر بتاعي:



Javac Welcome.java



المفروض لو كله تمام مايطلعش اي حاجة يقف علي السطر اللي بعده لكن لو فيه اي 

ايررور في الكود هيطلعه ويقولك في انهي سطر كمان:

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 669x262 .


ده مثال علي كلامي في البرنامج لما معملتش double quote وعملت single quote 


طلعلي ايررور وقالي في السطر الكام كمان ولما صلحته وعملت compile تاني 


مطلعش اي حاجة يعني كده فعلا اتعمل compile صح بدون اخطاء لو روحت علي 

الفولدر اللي فيه البرنامج بتاعنا هتلاقي ملف تاني طلع بنفس اسمه ولكن بإمتداد .class 

وده هو ال bytecode بتاع برنامجنا لو فتحته هتلاقي فيه كلام مش مفهوم بس ده كود 

الجهاز فاهمه.



نيجي لأمر التشغيل وهو امر java وبيتكتب بالنظام ده 



Java Welcome



هيطلعلنا الناتج كده:

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 665x82 .

وبكده نكون كتبنا وشغلنا اول برنامج جافا لينا ونكمل بكرة بإذن الله تعالي.